Temos recursos dabondo, dispoñibles na rede e gratuitos, para axudarnos coa laboura de traducir dende a lingua nai do desenvolvedor á nosa lingua. Este é unha análisise viva dos programas xestores de cadeas de traducción e das ferramentas en liña (glosarios e diccionarios).
Xestores de cadeas para traducir
Para traducir as cadeas de texto do Drupal, pódese ir pola interfaz de administración ó módulo locale, pero esta é unha solución temporal e pode se-la máis rápida e sinxela para poucos textos. Pero cando manexamos traduccións con grandes cantidades de cadeas de texto, precísase un xestor de traducción.
Hai varios para as distintas plataformas operativas. Eiquí recomendamos algúns:
Ferramentas en liña de axuda á traducción
Recursos que temos na Rede para consultar en liña:
- Glosario de termos informáticos (wiki mancomun.org): Será a nosa base para as traduccións. Céntrase no eido informático, que é o do Drupal ó seren unha aplicación informática. A maioría dos termos estarán coa súa correspondencia inglés-galego neste glosario.
- Diccionario inglés-galego do CLUVI: Neste diccionario temos preto de 7000 entradas traducidas directamente dende a lingua inglesa á lingua galega, perfectamente detallada con variantes e indicando as fontes filolóxicas.
- Diccionario da Real Academia Galega: Este diccionario é básico para calquera galego-falante. Axúdanos a ter claras as definicións das verbas que traducimos. Non dubides en consultalo.
- Tesouro Informatizado da Lingua Galega: Ferramenta que nos permite atopar contextos relacionados con lemas ou verbas e observa-lo seu uso ó longo do tempo. Encaixa un termo lingüistico en textos que nos fornecen a semántica do propio termo.